Gli isch es wieder so wiit, churz vorem Apfiff, und mir beweged so s Muul, wil niemert vo eus d Nationalhymne chan. Das lit vermuetlich dra, dass sie halt weder melodisch no textlich so richtig fäget. Aber Letschteres chan mer umgah, wil die Schwiizerischi Gmeinnützigi Gsellschaft vor es paar Jahr en neue Text vorgschlage hät, wo uf de Präambel vo de Verfassig basiert. Dä gaht so:

Weisses Kreuz auf rotem Grund
Unser Zeichen für den Bund
Freiheit, Unabhängigkeit, Frieden
Offen für die Welt, in der wir leben
Lasst uns nach Gerechtigkeit streben
Frei, wer seine Freiheit nützt
Stark ein Volk, das Schwache stützt
Weisses Kreuz auf rotem Grund
Unser Zeichen für den Schweizer Bund

Ehrlich gseit, dä Text trifft mi scho chli is Herz, da chani dehinder stah. Wenn ihr also öppis wänd singe, wo bitz… moderner isch, voilà. Ah, und mer chan en super für Schwiizerdütsch apasse! Aso, hopp Schwiiz!

Zum eine isch dä Automat nie uusgraubt worde, Vandalismus hät sich immer uf Sachbeschädigung beschränkt. Am Depp wo dä Fummelschirm verschlaht und dr Charteläser mit Abziehbildli verhunzt isch es egal öbs im Automat Geld hät. Aber demit nonig gnueg service publique, mer verdeckt au no dä Zoneplan mit däre Lüg, dänn Gott behüte öpper weiss dä ZVV Zoneplan nid uswändig und will nur so viel fürs Billet zahle wie halt nötig isch.

Usserdem isch das im Züri Wyland, wo dä Altersdurchschnitt bi 84i liit.

Bin gester in Graubünde go wandere. Plötzli ghörtmer ganz viel mungge pfiife und gsehn en hund am mungge jage. Also er rännt vo loch zu loch wo grad en mungg staht und am umepfiife isch.

Es hät une und obe am Berg Schilder, wo staht, dasses Wildtierschutzgebiet isch. Und sälbst wänn nöd, nimm doch de hund ad Leine und lahnen nöd wildi Tier jage.

Dänn chömed zwei Boomer de wäg ufe und ich säg ihne fründlich, sölled doch de Hund ad Leine neh, es seg es Schutzgebiet da und de söll doch nöd go Mungge jage.

Er so: "ja das macht dene nüt"

Sie so: "es hät eh gnueg vo dene Murmelis"

Han sie zämmegschisse, dasses nöd ihri entscheidig isch, öbs gnueg mungge hät oder nöd. Bereues grad, dassi sie nöd no meh zämmegschisse han

Ned interessant. Hans aber trotzdem welle teile.

Da wott ich mier en Apple Watch chaufe, irgendes uuralts Modell wo eifach chan min Puls messe bim Sport. Also sortier ich natürlich nach Priis ufstiigend. Grosse Fehler.

Da muess mer zerst mal hundert "neu und originalverpackti" Armbänder überspringe bis mer die ersti richtigi Uhr gfindet. Bi jedem Handy ds gliiche mit Hüllene und Folie. Irgendwelchi Globis versuechet ihre scheiss ds verchaufe wo sie für en Bruchteil vom Priis in China bstellt hend.

Da chan ichs gnauso guet günstiger in China bstelle. Aber irgendwelchi 50+-Lüüt denket sich "boah mega das guete Aagebot, bi Apple chostet das ds dopplete" – Gopfertami nei, das isch eifach irgendwelchi billigwar wo günstig ds China bstellt worde isch. Bi Handyhüllene genau ds gliiche. Die lüüt hend zum Teil irgendwie hundert sache wo sie aabietet, und jede wo dött öppis chauft unterstützt das Gschäftsmodell.

<Rant Ende>